მამაო ჩვენო...
ფსალმუნი50
მიწყალე მე, ღმერთო, დიდითა წყალობითა შენითა და მრავალთა მოწყალებითა შენითა აღხოცე უშჯულოებაი ჩემი. უფრო განმბანე მე უშჯულოებითა ჩემისაგან და ციდვათა ჩემისაგან და ცოდვათა ჩემთაგან და ცოდვათა ჩემთაგან განწმიდე მე; რამეთუ უშჯულოებაი ჩემი მე უწყი და ცოდვაი ჩემი წინაშე ჩემსა არს მარადის. შენ მხოლოსა შეგცოდე და ბოროტი შენ წინაშე ვყავ, რათა განჰმარტლდე სიტყვათაგან შენთა და სძლო შჯასა შენსა. რამეთუ ესერა უშჯულოებითა შინა მიუდგა და ცოდვათა შინა მშვა მე დედამან ჩემმან; რამეთუ ესრა ჭეშმარიტებაი შეიყვარე, უჩინონი და დაფარულნი სიბრძნისა შენისანი გამომიცხადენ მე. მასხურო მე უსუპითა და განვწმინდნე მე, განბანო მე და უფროის თოვლისა განსპეტაკნე. მასმინო მე გალობაი და სიხარული და იხარებდენ ძვალნი დამდაბლებულნი. გარემიაქციე პირი შენი ცოდვათა ჩემთაგან და ყოველნი უშჯულოებანი ჩემნი აღხოცენ. გული წმიდა დაჰბადე ჩემთანა ღმერთო, და სული წრფელი განმიახლე გვამსა ჩემსა. ნუ განმაგდებ მე ნუ მიმიღებ ჩემგან. მომეც მე სიხარული მაცხოვრებისა შენისა და სულითა მთავრობისათა დამამტკიცე მე. ვასწავლნე უშჯულოთა გზანი შენნი და უღმრთონი შენდა მოიქცენ. მიხსენ მე სისხლთაგან, ღმერთო, ღმერთო ცხოვრებისა ჩემისაო: იხარებდეს ენაი ჩემი სიმართლესა შენსა. უფალო, ბაგენი ჩემნი აღახვენ და პირი ჩემი უთხრობდეს ქებულებასა შენსა. რამეთუ უკეთუმცა გენება, მსხვერპლი შე-მცა-მეწირა, არამედ საკვერთხი არა გთნდეს. მსხვერპლი ღმრთისა არს სული შემოსრვილი, გული შემუსრვილი და დამდაბლებული ღმერთმან არა შეურაცხ-ჰყოს. კეთილი უყავ, უფალო, ნებითა შენითა სიონსა და ეშენნენ ზღუდენი იერუსალიმისანი. მაშინ გთნდეს მსხვერპლი სიმართლისა, შესაწირავი და ყოვლად დასაწველი; მაშინ შეიწირნენ საკურტხეველსა შენსა ზედა ზვარაკმნი.
დიდება მამასა და ძესა და წმინდასა სულსა, აწ და მარადის უკუნითი უკუნისამდე, ამინ. ალილუია, ალილუია, ალილუია დიდება შენდა, ღმერთო; ალილუია, ალილუია, ალილუია დიდება სჰენდა ღმერთო; ალილუია, ალილუია, ალილუია დიდება შენდა, ღმერთო ჩვენო, დიდება შენდა.
ღვთისმშობელო ქალწულო, გიხაროდენ!
მიმადლებულო მარიამ უფალი შენტანაა!
კურთხეულ ხარ შენ დედათა შორის, და კურთხეულ არს ნაყოფი მუცლისა შენისა, რამეთუ მაცხოვარი გვიშევ სულტა ჩვენთა.
ამინ.
|
